В то же лѣто, веснѣ, преставистася 2 сына у Ярослава: Изяславъ бяше посаженъ на Луках княжити и от литвы оплечье Новугороду, и тамо преставися; а Ростиславъ в Новѣгородѣ; и оба положена быста у святого Георгиа в манастырѣ.

На тую же осень приидоша полочанѣ с литвою на Луки и пожгоша хоромы, а лучанѣ устерегошася, избыша в городѣ

Тои же весны преставистася два сына у Ярослава: Изяслав бѣше посажен на Луках княжити, и от литвы заборола Новуграду, а Ростислав в Новѣградѣ; и оба положена бысть у святого Георгиа в монастырѣ.

Въ то же лѣто преставистася два сына у Ярослава у Володимерича: Изяславъ бяше посажень былъ на Лукахъ княжити, отъ литвы плече Новугороду, и тамо преставися, а Ростиславъ въ Новѣгородѣ; и оба положена бысть у святаго Георгиа вь манастыри.

Тоя же осени приидоша полочане на Луки съ литвою, и пожгоша хоромы, а лучанѣ избыша въ городѣ.

В то же лѣто иде Нездыла Пьхичиниць на Лукы воеводою; иде с Лукъ малою дружиною в Лотыголу на сторонѣ, и засташа я въ одринах, и убиша их 40 муж, а жены их и дѣти поимаша, а сами приидоша на Лукы вси здрави; а кто бѣ не пошелъ по них Столбовичи с николикымъ дружины, а у тѣх, бывши, куны поимаша.

Въ то же лѣто иде Нѣздыло Пѣхтинычь воеводою на Лукы; иде съ малою дружиною съ Лукь на Лотиголу на торонь, и заставаша а въ одринахъ, убиша ихъ 40 мужъ, а жены ихъ и дѣти поимаша, а сами приидоша на Луки всѣ здоровы; а кто бѣ не пошелъ съ ними съ Молбовичь съ нѣколкомъ дружины, а тѣхъ бывше и куны поимаша.